Opin stúdentsbraut

Lýsing og hæfniþrep

Nýja Akademían býður upp á nýlega viðurkennda námsleið, sem hlotið hefur nafnið „Opin stúdentsbraut“, framvegis skammstöfuð O-braut.

O-braut er 200 fein nám á framhaldsskólastigi. Á brautinni taka allir nemendur 100 fein í kjarna.  Megináherslan er á kjarnagreinar. Nemendur velja síðan lágmark 100 fein úr öllu náms-framboði skólans.

Námið er skilgreint sem bóknám á þriðja hæfniþrepi, sem merkir að námið er skipulagt sem framhaldsnám með skilgreind námslok á framhaldsskólastigi á þriðja hæfniþrepi. Námið flokkast sem stúdentspróf og einkennist af sérhæfðum undirbúningi undir háskólanám. Eftir námslok á þriðja þrepi á nemandi að geta unnið sjálfstætt, borið ábyrgð á skipulagi og úrlausn verkefna og metið eigin störf.

Hafa ber í huga við allt val, að einingar á fyrsta þrepi geta verið 66 fein að hámarki. Annars þreps einingar 100 fein að hámarki og einingar á þriðja þrepi þurfa að vera að lágmarki 45 fein ef nemendur velja ekki einingar á fjórða þrepi. Allt að 10% námsins má vera skilgreint á fjórða þrepi. Nemendur er hvattir til að hafa samráð við skólastjórnendur eða náms- og starfsráðgjafa þegar kemur að skipulagningu námsins.


Síðast breytt: mánudagur, 17. október 2016, 3:44 eh